Mizo Elite News hi ṭha i tihzawng a nih chuan min lo Follow dawn nia

Bollywood Director Hmeichhe Pakhat In Nausen Mamawhtu Te Tan A Hnute Tui Ṭhahnem Tak Donate

Mahni chauh in ngaituah lo, mahni inhmangaih ang bawk a midang hmangaih thei te chanchin hriat hi chu a nuam ṭhin khawp mai.

Bollywood a hmeichhe Director/Producer pakhat Nidhi Parmar hian a malsawm dawnna chu a hmang ṭangkai hle. Lockdown laia naute dang hnute tui mamawh tak tak, hnek tur nei silo te ṭanpuina turin a hnute tui eng emaw zat chu a lo pe (donate) a ni.

Nidhi Parmar hian kumin February thla ah fapa Veer a nei. A hnute tui hi 42litres a tam teh meuh naute dang te tan alo pe tawh a, fa a neih hian Nidhi hian hnute tui ah malsawnna nasa tak a dawng.

A hnute tui chuang liam te, ral leh ringawt mai tur te chu nausen dang harsatna tawk mek ten an lo ṭangkaipui ngei theih nan a hnute tui chu pe turin kawng a dap ta a ni.

Internet lama a thil hmuh a chhiar chuan a ṭhen in face pack atan te hmangin, an hnute tui chu nau bual nan leh an ke zut nan vel a hman atan internet in a suggest. Mahsela a ni chuan chutiang ho lam mai atan hman chu a duh ve lo. Naute dangin in anlo chhawr ṭangkai theihna tur a ngaihtuah a,Women’s Hospital, Bandra, a a hmelhriat pakhat chu be pawp in Surya Hospital ah a hnute tui te hi a donate ta a ni.

Nidhi Parmar Hiranandani hi Taapsee Pannu leh Bhumi Pednekar te channa ‘Saand Ki Aankh’ Produce tu a ni nghe nghe.

DNA