Mizo Elite News hi ṭha i tihzawng a nih chuan min lo Follow dawn nia

Bluetooth Headphone A Ngaihthlak Lai Puak Thut Ah A Boral

Zirtawpni kalta mai khan Jaipur district’s Chomu town a Udaipuria khua ah kum 28 a upa Rakesh Kumar Nagar chu Bluetooth headphone a ngaihthlak lai puak thut ah a nunna a chan tih hriat a ni.

Jaipur Police te sawidan in Rakesh Kumar Nagar hi an chenna in ah competitive examination nei tura a inbuatsaih lai mek a ni tih an sawi a. Bluetooth headphone a hman hi a charge pah lai mek a ni bawk a, current a kal reng lai hian a beng a vuah lai chu a puak ta thut niin Police chuan news agency Press Trust of India an hrilh.

A headphone a puah hnu hian nikhawhrelo in a awm zui a,private hospital hnai berah tlanpui nghal a ni. Damdawiin lam ten bawihsawm a an enkawl lai mek in chhan theih loh in a boral zui ta a ni.

Siddhivinayak Hospital a lo buaipuitu Dr LN Rundla chuan nikhawhrelo a an hruai thlen atang khan a dinhmun kha a tha lo tak zet a, chhan theih reng a ni tawh lo tih a sawi a ni.

Doctor chuan a boral chhan ah hian cardiac arrest pawh a ni thei an ti. Rakesh Nagar hi kum in February thla khan nupui neiin an unau zingah upa ber chan a chang bawk. Electronic device thenkhat puak vanga boral phah ta hi tam tak an awm tawh thin a, fimkhur zual deuh deuh a pawimawh khawp mai.