Mizo Elite News hi ṭha i tihzawng a nih chuan min lo Follow dawn nia

Blake Shelton leh Gwen Stefani te innei in nupa an ni ta

Kum 6 chhung zet zawt rinawm leh nghet tak a lo inzui tawh Gwen Stefani leh Blake Shelton te chuan nimin July 4 (Inrinni) khan an hringnun a an lo nghahhlelh em em chu an puitlin ve ta ngei a, tunah chuan nupa an ni ta e.

Khawthlang Media te tarlan dan in Blake, 45, leh Gwen, 51 te hi Oklahoma ah “tiam tlat e” tiin an innei tawh tih an puang a, PageSix chuan inneihna hmun leh hma thlalak hrang hrang te chu a fiahna atan an rawn tichhuak bawk.

Inneihna hi lian tham tak a buatsaih a ni lo a, an chhungte deuh tak tak chauh an tel. Gwen nu leh pa Dennis Stefani leh Patty Flynn te pawh an fanu pasal neihna ah hian an telpui thu in Page Six chuan a report a ni.

Inneihna hunserh hmanna chapel hi Shelton’s Oklahoma ranch ah a nia, he hun lo inherchhuahna atan hian a hma atang tawh a lo inbuatsaih ve nasa hle a ni tih a hriat.

An pahniha an inhmuh dun hmasak berna chu kum 2015 a NBC’s “The Voice.” a coaches ah an thutdun atang a ni a, heta tang hian an inzui chho deuh chawt nghal. Nula leh tlangval nilo in thlawi ve ve an ni tawh a, July 2015 khan Blake hian a nupui pahnihna Miranda Lambert thenna tur a thehlut.

Stefani pawh a pasal kum 13 lai alo khawsak pui tawh Gavin Rossdale nen inthen in fa 3 an nei hman a ni. Blake leh Gwen te hi an inkawp chhungin hla nalh tak tak “Nobody But You,” “Happy Anywhere” leh “You Make It Feel Like Christmas.” te an tichhuak.

Nikum October 2020 khan Blake hian “Rich Girl” singer hi inneihpui ah a sawm hlawhtling a, 6-9 carat diamond zungbun laiin alo propose hlawhtling a ni. Tichuan hun a liam zel a, Ningani khan TMZ chuan chanchin hriat nuam tak tichhuak in Blake te hian an inneihna turin Oklahoma ah marriage license an thehlut tih a puangzar ta thut a ni.