Mizo Elite News hi ṭha i tihzawng a nih chuan min lo Follow dawn nia

Blackpink Ten Record An Break

“Blackpink in your area” an han tih tawh hi chuan a lar lo thei lo ti ila a sual tam lutuk lo ang.

Mipa leh hmeichhia te pawh in a an duh rawn ni thei Kpop Girl Group, Blackpink te chuan an music video thar “How You Like That” hmangin record thar an siam a Youtube an rawn thunun leh ta.

“How You Like That” hi June 26 (zirtawpni) khan Blackpink te hian an tichhuak a, nikhat thil thu darkar 24 chhung lek in thlirtu mi maktaduai 82.4 a nei nghal a, darkar 24 chhunga Youtube a thlirtu ngah ber an ni zui ta a ni.

Blackpink te hian record chelh lai BTS te chu an hnuk thla a, BTS te hian nikum April a “Boy With Luv” an tihchhuah khan darkar 24 chhungin thlirtu maktaduai 74.6 an nei. Hei hi Blackpink hian a rawn khum.

Darkar 24 chhunga thlirtu ngah ber an nih bakah hian maktaduai 100 thlirtu nei rang ber an ni bawk a, darkar 32 chhung lekin maktaduai 100 entu an nei hman a ni.

Blackpink te hian Youtube channel ah subcriber 39.5 Million an nei mek a, an agency YG tarlan dan in “How You Like That” hian ram hrang hrang 60 chuang iTunes Chart ah pakhatna dinhmun a hauh mek.

Kum 2016 ah chauh an Group te hi din ni mahse tun dinhmun ah chuan Music Industry ah lar ber an ni a tih theih a, rimawi khawvel an thunun mek a ni.

Strait Times