Mizo Elite News hi ṭha i tihzawng a nih chuan min lo Follow dawn nia

Blackpink Music Video Thar ‘How You Like That’ In India Aṭang Sawisel A Tawk, Hindu Pathian An Lo Telh

South Korea Girl Group, Blackpink te chuan an Comeback music video ‘How You Like That’ chu June 26 khan an release a, a lar zui vet vet hle.

Record siam chho nghal in darkar 24 chhunga YouTube a en tu nei hnem ber an ni nghal. Hetia a hlawhtlin em em lai hian tihsual palh an lo nei a India fans te aṭang sawiselna an tawh phah.

Blackpink hian an music video ‘How You Like That’ ah hian Hindu sakhaw vuantu te Pathian Lord Ganesha an lo tilang tel hloh mai a, an duh reng vanga tilui erawh an nih a rinawm loh. Hei hi sakhuana inzahloh leh palzutna ah ngaiin Hindu sakhaw vuantu tam tak te lung a tih awihloh phah a, YG Entertainment hnen ah an vui nasa hle.

Lord Ganesha lanna hi 1:20 min a lalthutthlenga Blackpink Member zinga mi Lisa sir lamah a lo lang a. Statue hi India rama Hindu sakhua lam te chuan an lo hmuh hmaih lo nasa mai.

Twitter ah #YGapologise, #BlackPinkApologise leh #MyCultureIsNotYourAesthetic tiin Hastag an siam a, Lord Ganesha hi ti bo a ngaihdam dil turin YG Entertainment hnen ah an ngen.

Hetia India aṭang sawisel a dawn hnu ah YG Entertainment chuan hma la in an bawh zui nghal thuai bawk a. YG hian Video hi Re-Upload leh analytics hloh chuang silo in an siam ṭha a, Lord Ganesha statue ai ah hian thil dang cylindrical gas tank ang tak an hmang ta zawk. YG lam in an ngaih pawimawhna avangin India rama Blackpink Fans te pawh a ti lawm hle nghe nghe a ni.

WOB