Mizo Elite News hi ṭha i tihzawng a nih chuan min lo Follow dawn nia

Blackpink leh Selena Gomez ten thawm ri an siam nasa hle

Tunlai rimawi khawvel ah chuan South Korea Girl Group, Blackpink te ai a huhang ngah dang an awm bik chuang lo. Khawvel hmun hrang hrang ah fans amak amak atam an nei a, Asia huamchhung chauh nilo Europe khawmualpui thleng pawhin an langsar.

Blackpink te chuan tunah hian an hla thar tihchhuah leh mai turin an ruahman a, hetah hian thawhdunpui an nei leh dawn tih pawh an sawichiang. Mahsela an thawhdunpui tur hi tu nge tih a hming an la puangzar duh lo.

Zaithiam an thawhdunpui tur chungchang ah hian ti ti pawh a tam zui hle. A hming an puanzar rih miau loh vangin inrinsiak chu tih theih awmchhun a ni a fans tam zawk in Blackpink thawhdunpui tur an rinzawn hi tudang nilovin American zaithiam “Lose You To Love Me” singer, Selena Gomez a ni.

Blackpink leh Selena Gomez te hi an collaborate em tih chungchang hi Twitter ah fans tam tak in an khel zui mek a, a nilo ang tih pawh la sawi dawt theih a nilo. Selena Gomez karah hian Ariana Grande hming pawh a ri tel bawk.

Blackpink te hian Western Artist hmingthang pahnih Lady Gaga leh Dua Lipa te chu an lo thawhdunpui tawh a ni. An hla thar hi August 28 khian release an tum a, album puitling erawh October 2 ah tihchhuah a ni ang.

An music video thar ber ‘How You Like That’ chuan Guinness World Record titles 5 ṭhawt a hauh nghal a, tihchhuah a nih aṭanga darkar 24 chhungin 86.3 million en tu an nei. Nikhat chhunga video entu ngah ber an ni.

Pinkvilla