Mizo Elite News hi ṭha i tihzawng a nih chuan min lo Follow dawn nia

‘Black Alien’ Anga Lan A Duh Vangin A Hnar Leh Hmui Chunglam A Nuaibo Tir

Plastic Surgery hmangin mi thenkhat ten hmelthat duhin an in siam that tir a, a then te erawh hmelthat duh vang pawh ni chiah lo maksak duh vang hrim hrim a taksa khawih danglam an awm bawk.

French pa Anthony Loffredo, 32 hi a lan duh dan a danglam leh khawp mai. ‘black alien’ an a duh vangin a hnar leh a hmui chunglam te a nuai bo tir a, hei bakah a mitmu ah tattoo a chhut tir a, a lei (tongue) a then hran tir tawh a ni.

A hnar thawm that hi France ah chuan dan phalloh a nih vangin Spain ah a tih tir a, a hmui chunglam a khawih vang hian tawng lamah harsatna a tawk tih a sawi nghe nghe. Taksa khawih danglam hi European countries eng emaw zat ah phal a nilo.

Heti chunga a landan a thlak hnu pawh hian Anthony Loffredo hian a la duh khawp lo cheu. A ban,ke, kut tang leh a tukhum te chu khawih tir leh a la tum a ni. Kan taksa lan duh dan leh put duh zawng te hi a in an loh theih khawp mai.