Mizo Elite News hi ṭha i tihzawng a nih chuan min lo Follow dawn nia

Billionaire zingah Kim Kardashian hming a chuang ve ta

 

A pasal Rapper, Kanye West nen an inthenna chuan Kim Kardashian sum leh pai dinhmun a khawih pawi pha lo hle tih chiang takin a rawn lang a, Kardashian chhungkua hi chu sawisel an hlawh nasat leh an lar deuh deuh zel zawng a ni.

Kum 40 a upa Kim Kardashian chu Forbes chanchinbu in mi hausa lawk zual ho a tarchhuah Billionaire list ah a hming a chuang ve ta kalh mai.

Tihian Kim K hi Forbes Billionaires list ah 2674th a ni ta chiah a, October thla khan a hausakna hi $780million in chhutsak a nia mahse a pawisa hian pun lam pan zelin $1billion a tling chho ta dawr a ni.

A pasal then tak Kanye West pawh nikum khan Billionaire ah Forbes chanchinbu hian an lo hlangkai tawh bawk a, an nupa a an sum che vel hi ngaihtuah thiam phak bakin a thahnem hle.

Kim K hi an chhungkua reality TV series “Keeping Up with The Kardashians,” atang a bul tan ve tho a ni a, Billionaire huanga a lantheihna chu a sumdawnna lar tak KKW leh Skims atang ten a ni. Skims hlutna hi $225M a nia, KKW Beauty hi $700M lawih mai a ni thung. Tin, heng pahnih bakah TV leh Endorsement neuh neuh atang a lalut tel nual.

A unaunu half sister Kylie Jenner hi 2018 khan self-made billionaire naupang bera puan a nih hnu ah a nihna hlihsak leh in a awm. Kylie hian a sum neih bak aia tam daih nei angin alo insawi a ni.

Forbes te tarlan danin khawvel pum ah tunah hian 2,755 billionaires an awm a, kum in hun reilo te chhung mai pawhin 493 lai Billionaire an awm hman thu an sawi a ni.