Mizo Elite News hi ṭha i tihzawng a nih chuan min lo Follow dawn nia

Big Bang Member lo ni tawh thin Seungri Jail tang dawn

South Korea ram luah hneh em em tu K-Pop star pakhat, former BIG BANG member Seungri tia hriat lar, a hming tak Lee Seung-hyun chu August 12 khan General Military Court chuan Burning Sun scandal chungchang ah a thubuai chu ngaihtuah in thu tlukna an siam a, kum 3 chhung Jail tang turin a hrem.

Kum 2019 khan Scandal vangin Seungri lakah thubuai hi siam a lo ni tawh. He Scandal ah hian amah hi a hnarkai tu ber a mawhpuh a ni a, nawhchizawrh leh illicit gambling bakah thubuai hranh hrang a awrh tel nual bawk.

He a business ah hian a investor hnen ah hmeichhia te a lo pe thin a ni awm a. A laka Charge siam hi 9 lai a ni a, amah chuan insawifihlim in pha viau mahse Court erawh in a thusawi hi a pawmpui lo.

Korea ram ah hian nawhchizawrh hi dan phal loh bur a ni. Kum 3 Jail bang a zut mai dawn bakah hian an ram pawisa 1,156,900,000 won ( $994,544 vel) chu chawi tura tih a ni tel bawk. A tirah Seungri hian a laka thubuai Foreign Exchange Transactions Act a bawhchhia tih loh a dang zawng lakah hian fihlim ang in a in sawi a ni.

September thla laihawl hian Military service zo tur a nia, mahsela a chungthu ngaihtuah fel a nih atang military ah a awm hun tura tih chen awm lovin an chhuak dawn. A mimal personal information hi national registry ah ziahluh a ni dawn bawk.

August 2006 khan Seungri hi Big Bang atang bul a rawn tan chho a, an Group pawh an larin khawvel pum ah 150 million records an hralh thei. March 2019 ah Scandal chungchang hriatchhuah a nih hnu khan Entertainment Industry chhuahsan a ngaih phah ta a ni.