Mizo Elite News hi ṭha i tihzawng a nih chuan min lo Follow dawn nia

Bieber leh a nupui Hailey ten Baptisma chang, Hringnun a hun pawimawh ber

Larna leh hmingthan na te nei mahse Pathian neih loh chuan nun hian awmzia reng a nei lo tih hrechiang ber tu te zingah Justin Bieber hi a tel ngei ang. A rinna chungchang hi a lo puangchhuak fo tawh ṭhin.

Pop superstar, Justin Bieber chuan Instagram ah a nupui Hailey Bieber nena an hun pawimawh tak mai chu a rawn pholang a, an nupa in Baptisma an chang dun.

“Ka nuna hun pawimawh leh ni bik a ni” tiin Bieber hian mi maktaduai 143 lai a Instagram followers hma ah a rawn sawi a, a chhungkua leh a ṭhiante hma a Isua a rinthu leh a hmangaihzia a puangchhuak chu a hlim hle.

Thla liam ta khan Justin leh Hailey te hi Idaho ah road trip neiin an kal a, pastor Judah Smith chuan Bieber te nupa hi Baptisma alo chantir a ni.

Thlarau lama a kawmngeih em em a mentor pakhat Carl Lentz pawhin ‘Amazing. love you.’ tiin a comment ve nghe nghe. Kum kalta a Zane Lowe nen interview an neih ṭumah Pathian chu a ṭhat zia leh a hmangaihzia a lo sawi nasa hle a,amah rin chu thil thlawn pek a ni tiin Pathian a hmangaihzia nasa takin a puang.

Hailey hi Bieber tan hian a nunkawng kaihruaitu ṭha tak a ni a, chutih rualin Bieber pawh hi Hailey tan pasal ṭha tak a ni bawk a ni.

DM