Lirthei chak tak tak a khalh thin hi in lak changkanna a nilo a,nunna hlu tak chan phah theihna leh hnung lamah mimawl tia sawi zui hlawhna mai chauh a ni.
Thawhlehni khan Bengaluru ah Car chetsualna rapthlak tak thleng vangin mi 7 ngawt in an nunna an chan tih hriat a ni. Accident thlenna hmun hi Mangala Kalyana Mantapa, Koramangala locality ah a ni.
Audi Q3 car in chak taka an tlan chu street light pole na takin an su. Car a chuang mi 3 te hi Seat hma lamah an thu a, a dang zawng te hi hnung lamah an chuang. An vai hian seatbelt an hreng lo tih hriat a ni bawk.
An chuanna Car a chhe hneh viau a, han en reng reng pawh in damchhuahna chi a nilo hrim hrim. Vanduaina thlenna hmun ah mi 6 te hi an boral nghal a, pakhat hi damdawiin panpui a nih laiin a hliam tuar lovin a thi ve leh bawk.
7 people died in car accident in Koramangala, Bengaluru. Audi Q3 car was apparently of Hosur DMK MLA Y Prakash, that rammed an electric pole resulting in spot death of six persons. And 7th person died on the way to hospital. MLA's son & Daughter in law died in the accident. pic.twitter.com/QdYBL1ciaU
— Pinky Rajpurohit (ABP News) 🇮🇳 (@Madrassan_Pinky) August 31, 2021
Nunna chan zingah hian Hosur MLA Y Prakaash fapa Y Karunaa Sagar leh a nupui pawh an tel tih Police ten an nemnghet. Tamil Nadu Chief Minister leh DMK president M K Stalin te chuan an party legislator fapa thihna ah hian tawrhpuina an tarlang a ni. News Minute chuan nunna chanta te hi kum 20-30 inkar a upa vek an ni.
Police te kutah Case hi ziahluh a ni tawh a, Police lam ten an hna thawkin Investigation an kalpui nghal.