Mizo Elite News hi ṭha i tihzawng a nih chuan min lo Follow dawn nia

Ben Affleck leh Jennifer Lopez ten hmangaihna meipui an chhem alh chho leh mek

Tunlai Celebrity news ti hot em em tu te chu Actor, Ben Affleck leh zaithiam Jennifer Lopez te hi an ni ngei ang. Rei tak an inhnim hnaih tawh loh hnu ah hmangaihna chi nung an rawn tuh thar leh mek a ni a, Media tam tak in an inkar hi an chaw bel vil deuh chawt a ni.

An inkar sawi rik thar a nih leh atang an pahnih thlalak leh hun an hman dun dan te kan hmu in kan hre tam chho ta tial tial a, tun Thawhtanni zing mai pawh khan Florida khawpui Miami a Gym ah an hun hmang hmuhdun an ni.

Kum 48 a upa Ben hian rei tak hnu ah silver sana a bunchhuak ve leh a, he sana hi kum 2002 a an inzui tirh laia Jennifer Lopez in a pek ngei kha nia sawi a ni. Ben hian J.Lo hnen a gift a dawn hi alo la dah tha char char a nih hmel.

Jennifer hian an chhuahna ah hian a abs langsar taka tilangin T-shirt var leh purple polka dot pants te a inbelchhuak. Source in In Touch a hrilh dan chuan Ben leh Jen te in hmangaihna hi a fir tha hle niin an tarlang a, Gym a an hun hmanna ah pawh infawp in an inkar hi hman a mi ang mai mai kha chu a ni tawh lo tawp tih an sawi.

Thla khat liam ta khan a pasal tawh tura rin former New York Yankee Alex Rodriguez nen kum 4 an inkawp hnu in an inthen thu an puang a, Alex nen hian kum 2 lai an inhual hman nghe nghe. Kar liamta a Source in People Magazine te a hrilh dan chuan Jennifer Lopez hian Ben kianga a hun tam zawk a hman theih nan LA ah a kir thu an sawi. An inkar hi a ni tel mai hian a nghet chho hle an ti.

Kum 2002 daih khan Gigli a an chan dun atang Ben leh Jen te hi an in date tan a,inhualna an neih hnu ah September 2003 ah innei tura an ruahman chu postponed in January 2004 khan an inthen fel ta der.