Mizo Elite News hi ṭha i tihzawng a nih chuan min lo Follow dawn nia

Bella Hadid leh a hmangaih tawn thar Marc Kalman te France khawpui ah an inhnimhnai dun nasa

Model, Bella Hadid hi hmangaihna vanga hun eng emaw chen a buai tawh loh hnu in a nun ah mipa thar a tawng ve leh ta.

Bella Hadid leh a bialpa thar Marc Kalman te chu French Riviera ah lawng chungah tak mai hmangaihna an lo chen dun nasa hle a, thlalak hmuh theih atang Bella Hadid pawh a bialpa thar tawn ah hian a luangliam tak zet a ni.

Zirtawpni khan Antibes a an thlenna hotel an chhuahsan a, tuipui lam ah inchiahdai turin an kal dun. Marc Kalman hian Bella kawng ah vuan in duh thawh taka an infawp lai te hmuh tur a tam hle.

Marc Kalman hi art director a ni a, Travis Scott tan a album artwork buaipui sakin Kylie Jenner te nen pawh an in close hle. Kylie te kaltlang hian Marc leh Bella te hi intawng ta a nih an ring fur.

Bella hian Ningani khan Marc nena Cannes a an in muah lai thlalak post in heta tang hian an inngaizawng tih fans ten an hrechhuak a, June thla atang an inkar hi sawizawm an ni tawh.

A bialpa hlui Candian pop star, The Weeknd nen an inthen hnu atang khan Bella hian hmangaihna kawng ah a thawm a reh zui hle. Hetia a bialpa thar nen hun nuam tak an hman mek lai hian The Weeknd pawh Actor, Brad Pitt nupui hlui Angelina Jolie nen Santa Monica ah an zanchhuak hmuh dun an ni.