Mizo Elite News hi ṭha i tihzawng a nih chuan min lo Follow dawn nia

Beckham unau zingah Romeo Beckham a hausa ber dawn

An nu leh pa atang rengin an piang chiah milar an rawn ni nghal tawh hrim hrim a. David Beckham leh Victoria Beckham te fapa upa ber dawttu Romeo Beckham chu an unau zingah hausa ber a ni dawn ta e.

Kum 19 a upa Romeo Beckham hi sports brand lar tak PUMA nen inremna an nei a, he an thawhdunna ah hian Puma hian £1.2million zet sum an chhawpchhuak. Hei vang hian Romeo hi a unau dang 3 Brooklyn, 22, Cruz, 16, leh Harper, 10 te aiin hausak kawngah hma a hruai phah.

Romeo hi an unau zingah a pa hnung zui awmchhun a ni a tih theih a, a pa David Beckham club Inter Miami reserve team Fort Lauderdale CF ah a khel mek a, UK leh US ah te a hun tam zawk a hmang chawt thin. Source in a tarlan danin Puma leh Romeo te thawhdunna hi reilo te awh tur a nilo a, kum chuang daih inremna neiin Romeo tan Puma hi a sum lakluhna hnar lian ber tur a ni ang.

All Famous Birthday in a tarlan danin Romeo hi Puma nen inremna an neih hma hian a hausakna hi £3.7million ($5million) zet a ni tawh hrim hrim a, a naute pahnih khumin Cruz leh Harper te hausakna hi £1.1million ($1.5million) a ni a,an upa ber Brooklyn hian £7.4million ($10million) vel bawr neiin Beckham unau zingah hausa ber alo ni deuh ngar ngar thin ani.

An pa David Beckham pawh Adidas nen hun rei tak thawkdun tawhin kum 20 chuang lai an lo thawkdun tawh a. Beckham fate hi an lar bawk a, designer leh brand hrang hrang te pawhin hre pawh chho zelin Romeo pawh a hma hun a eng chho vau tih khawthlang chanchinbu te chuan an tarlang.