Mizo Elite News hi ṭha i tihzawng a nih chuan min lo Follow dawn nia

Bayern Munich Star Jerome Boateng Bialnu Hlui Thi In Chhar, Boateng An Qatar A Chhuahsan Nghal

Thu chiang tak sawi la awm lo mahse Bayern Munich star Jerome Boateng bialnu kum 25 mi Kasia Lenhard chu Berlin a a chenna apartment ah thi a chhar a ni.

Daily Mail te tarlan dan in Jerome Boateng leh Kasia Lenhard te hi an inkawp chhung khan buaina neuh neuh an inkarah a awm a, an inhmuthiam lutuk lo. Thla 15 chhung an inkawp hnu ah February 2 khan an inthen fel thu an puangchhuak.

Social Media lama an chungchang an tarlan ah pawh an inkarah hian buaina a chhuak tih hai rual a nilo a, Kasia hian an inthen chhan ah chuan Boateng chu dawtsawi leh rinawm loh san ah a puh a ni.

An inthen atang karkhat mai ah Kasia chungah hian thil duhawmlo a thleng zui nghal. A thih chhan ah mahni intihlum ngei niin an sawi bawk.

A bialnu chunga vanduaina a thlen lai hian Boateng hi Qatar a awm lai a nia,Bayern Munich ten team’s Club World Cup final atan an inbuatsaih. Bayern Munich team atang Boateng hi a inhnukdawk zui nghal. FC Bayern Twitter ah mimal thil vangin Munich lam a pan thu an puang a, Final ah a tel ve thei dawn lo.