Mizo Elite News hi ṭha i tihzawng a nih chuan min lo Follow dawn nia

Bawng Zun In Avangin Coronavirus Lakah A Him Thei Tih BJP MLA In A Sawi

India ram hi sakhaw hrang hrang fuankhawm na tih takah rindan leh ngaihdan in ang lo tak tak hi a awm ve nuk thin reng a ni.

BJP MP Pragya Thakur chuan tunlai hripui Coronavirus thawh hnihna leng mek chungchang ah Bawng zun (cow urine) chu a fak hle a, bawng zun in hian Coronavirus lakah min chhanhim thei tiin amah ngei pawh bawng zun a in vangin Covid lakah a him tih a sawi meuh mai.

Bawng zun that zia a fakna hi Social Media ah a darh chak hle a. Thakur hian nitin bawng zun a in vangin Coronavirus a kai lo a ti a, Corona laka fihlim tur in eng damdawi mah a mamawh lo a, hri a vei hek lo tiin huai takin a sawi hmiah a ni.

Tun hi a vawikhatna mai a ni tawh lo bawk a, kum 2 liam ta khan bawng zun leh cow products dang te chawhpawlh in Cancer natna lak atang a dam theih niin alo chhal tawh bawk.Indian Medical Association lam chuan bawng ek emaw bawng zun hi Coronavirus enkawl leh inven nan a tha tih scientific evidence a awm loh thu an puang.

Pragya Thakur mai bakah hian Uttar Pradesh a BJP MLA tho Surendra Singh pawh in coronavirus laka himna atan Bawng zun that zia hi thla liam ta khan a lo sawi ve tawh nghe nghe.