Mizo Elite News hi ṭha i tihzawng a nih chuan min lo Follow dawn nia

Bank Lam Ten Physical Verification A Ngai An Tih Vangin A Nu Kal Theilo Khuma Mu Chu Bank Thleng A Hnuk

Eng ang dan khauh tak nge an lo zam dawn ni. Kal thei lo tih hre reng chunga a hmel inlan ngei an phut tlat chu a em em ve lulai deuh a ni.

India ram a Odisha a thil thleng hian mitam tak te ngaihven a rawn hlawh hluai mai.

Nu pakhat kum 60 mi Punjumati Dei chuan a nu kum 100 a upa Labhe Baghel pension hlawh la turin Bank ah a kal a, mahse Bank lam chuan physical verification an ngiat avangin a nu chu khum hmangin Bank ah a hnuh in alo hnuk thleng a ni.

Anu hi kum 100 a upa a ni tawh a, khum bet a a awm avangin a kal thei lo hrim hrim. Bank lam te hnena a nu chungchang a hrilh ngial pawn an lo pawmpui silo a. Duhthlan tur a neih loh vangin Rs 1,500 bank aṭanga lachhuak tur hian a nu hi tihian harsa takin a hruai.

“Thla 3 liam ta khan vawitam bank ah hian ka kal a, pawisa chu min pe chhuak turin ka ngen. Mahse official te chuan ka nu ka hruai hunah chauh pawisa hi min pek tur thu min hrilh” tiin Punjumati Dei hian a sawichhuak.

A nu hi Jan Dhan Yojana of the Central government hnuaia account holder a ni. Hetia harsa taka a nu Bank lama a hruai lai video hi Internet a a darh hnu in mitam takin Bank thawktu te lam hi an dem hle a, hremna pe turin an ti.

Mahse video a darh chhuah hnu ah district administration official chuan Manager in an chenna a verification nei tura a kal hma in Punjumati Dei hian a nu hi Bank ah a hruai tia an sawi thu Hindustan Times chuan a report ve leh.

Nuapada’s district collector chuan Manager hi amah chauh a nih vangin a buai viau ṭhin a, dawr tu an awm ve reng vangin kalna hun mai a neilo a, an chenna ah hian kal chu a tum hrim hrim tho a ti ve bawk.

WOB