Mizo Elite News hi ṭha i tihzawng a nih chuan min lo Follow dawn nia

Bank lam ten a dilna an pawmsak loh vanga a thil tih zet chu

Mihring hi thinrimna in a thunun tawh chuan duh loh thleng thleng thil tih a awl phah a, insumtheihna tlakchhham a awlsam khawp mai.

Inrinni liam ta mai ah khan Karnataka’s Haveri district ah kum 33 a upa Hazaratsab Mulla tia koh chu Bank ah loan a buaipui a. Loan application a submit na hi Canara Bank ah niin mahsela a thawk tu lam chuan thil fel hlel awm nia a hriat hnuah a application hi an lo hnawlsak.

Bank hi Kaginele police huamchhunga mi a ni. Bank in a dilna an hnawlsak chhan hi a CIBIL score a hniam vang an ti a, amaherawh chu Hazaratsab Mulla hian Bank thawktu ten a application an reject vang chuan hriatthiam chu sawiloh nasa takin a thinur.

Zan tlai tawh tak ah chuan Bank awmna lam a pan a, Office tukverh chu tichhia in petrol a theh luh hnuah hal in kangmei rapthlak tak a tichhuak ani.

Bank bula awm te chuan kangmei chhuak chu an hmuh hnu ah Police te an ko nghal thuai. Police te chuan kangmei chhuakah hian cheng nuai 12 man hu computer 5, fans, lights, passbook printer, cash counting machine, documents, CCTV leh cash counters a kang tih an sawi.

Kangmei tichhuak tu Hazaratsab Mulla hi man a ni a, Kaginelli police station ah hrengin a lakah thubuai an siam sak. Amah hi Rattihalli town a cheng leh khawsa ani bawk.