Mizo Elite News hi ṭha i tihzawng a nih chuan min lo Follow dawn nia

Bân Nei Lo Mah Ila Ke Ka Nei Alawm Tiin Law Student Piangsual Chuan A Sawi

Piantirh a ta bân han neih loh tawp chu a buaithlak viau ang. He nula erawh hi chuan a piandan ah hian vuina a nei lem lo, a chhan pawh bân nei lo mahse ke tal a nei a, a ke chu ṭangkai takin a hmang zawk.

Atlanta a mi law zirlai Inga Petry, 20 hi a pian tirh aṭang heti hian piangchhuak in midang te neih ang bân a nei ve lo. Upper limb aplasia tiin an sawi a, a awmzia chu a nu in a pum chhunga a pai laiin a bân hi a insiam lo.

Siberia a Novosibirsk ah piang in a nu leh pa dik tak te hi ala hmu lo hrim hrim. American nupa Daniel leh Jennifer Petry te chuan fa atan la in an enkawl a ni.

Fa atana la tu a nu leh pa te hian theihtawp an chhuahpui a, a ke chu a bân ah ṭang kawp in a kut/ban in a tih tur ang chi te chu a ke in a thiam vek.

“Ka ke hmangin ka ziah theih bakah ka type thei bawk. Thil ei nan ka hmang a ei tur pawh ka siam theih bakah lirthei pawh ka khalh thei a ni. Ka chhungte leh ka bialpa te min puihna vang liau liau a ni” tiin a sawi. Ke chauh in cello play, chopsticks hman leh han in make-up te pawh a hnehsawh hle.

Bân siam chawp prosthetics chu a hmang duh lo a, a duh leh mamawh ang apiang te chu a ke hmangin a ti awlsam thei zawk a ti a ni.

DM