Mizo Elite News hi ṭha i tihzawng a nih chuan min lo Follow dawn nia

Bago A Chengte An In Chhuahsan Tura Tih An Ni

Sipai ho chuan chawlh zai reng la rel lovin an lalna leh thuneihna mipuite chungah an la kengkawh zel a, mitthi pawh hriat tur a la awm chho reng. Beidawnsan mai an la tum hmel loh hle.

News atanga a lan dan ah vawiin April 9 chawhnu lam khan 20 military vehicles chu ralthuam leh sipai te nen Bago a Ponna Su Ward ah an lut a, Bago a chengte chu hnawtchhuak in an chenna hmun chhuansan nghal turin an ti.

Bago a cheng te hi sipai te nawrluihna avangin an duh lo chung an chenna an chhuahsan a ngaih phah a, an fate nen an inthiarchhuak. Khawilam panna tur pawh ngaihtuah lovin an himna tur zawk in an kalchhuak ta rawih a ni.

Bago ah hian Military Junta te ralthuam nen an che na chho leh. April 9 ah ringawt pawh mi 10 laiin nunna an chan thu Khit Thit Media in a puang.

An chenna chhuahsan tu te zingah a then chu naupang leh tar te an ni a, an khawngaihthlak hlawm khawp mai.