Mizo Elite News hi ṭha i tihzawng a nih chuan min lo Follow dawn nia

Avril Lavigne leh a bialpa thar te duhthaw zet in tuipui kamah an infawp

A inkar chu hei baka sawichian leh chuan kher a ngai tawh lo. Avril Lavigne hian a hmangaihna lamtluang ah bungthar a kai ve leh ta a ni a, a fans te pawh in hlim taka a awm hi an duhpui ber pawh a ni ang.

Kum 36 a upa Sk8r Boi songstress, Avril Lavigne hi tunkar khan Los Angeles a tuipui kamah a bialpa thar Mod Sun nen kum 34 tlin lawmna ni pahin an lengchhuak a, thlalatu nghal tak tak ten an hna tha taka lo thawk in an hun hmang dun lai hi an lo hmet de leh nasa mawlh mawlh hle.

Mod leh Avril hi tun ah rih chuan an la in duh rih hle a ni tih an thlalak atang a hmuh theih a, Beach ah hian inkuah deuh chawt in a uar thei ang berin an infawp bawk a ni.

February thla atang daih khan an inkar hi Entertainment Tonight ten an chhuah tawh. Avril leh Mod Sun te hian an duet na Flames an tihchhuah hnu lawk khan a ni nghe nghe. Insider te hian Avril hun kal tawh an chhui kirin hnathawh dun atanga hmangaihna piang hi an ringhlel nghal fur a, an ring sual lo reng bawk.

Mod Sun hian a hma in actress Bella Thorne leh online celebrity Tana Mongeau te Relationship a neihpui tawh thin. Avril hian a hma chuan billionaire Fayez Sarofim’s fapa Phillip nen an inngaizawng thin a, 2019 chawhnu lam khan an inthen.

2006 atang 2010 thleng Sum 41 frontman Deryck Whibley nen an innei a, hei hi a pasal hmasa ber a ni nghe nghe. 2013 atang 2018 thleng kha Chad Kroeger nen an innei leh bawk.