Mizo Elite News hi ṭha i tihzawng a nih chuan min lo Follow dawn nia

Avril Lavigne i’n a chanchin tarlanna Film a chang turin Kristen Stewart a thlang

Avril Lavigne chuan a mimal chanchin tarlanna tur Film siam a nih chuan amah ang a chang tur in Actress a duh a thlangfel diam tawh tih a sawichhuak.

Hemi chungchang hi Avril hian Thawhlehni a iHeartRadio Awards semna a Red Carpet an kawmna ah a sawilang a, Access ai awh a kawmtu in nangma nun chungchang tarlanna Movie (biopic) siam ni dawn se tunge i thlan ang tiin a zawt.

Avril chuan “Film ah chuan Kristen Stewart hian keimah nihna hi a phawkchhuak zo ber ang. Chuvang in Kristen ngei hi ka thlang” tiin chhanna a pe. Avril leh Kristen te hi thian inkawmngeih leh inhnaih tak an ni hran lo a, Avril in a biopic chang tura a thlan chat dan ah Kristen hi lemchan a a duai loh zia a tichiang viau e.

Kristen Stewart hi mi tam tak in ‘Twilight’ a chan atangin an hmelhriat tan a. Tunhnai a a acting career ah a invawrh hle a, fak a hlawh viau. ‘People Princess’ tia koh Lady Diana pual behchhan a film siam ‘Spencer’ ah inlan in Princess Diana role a chang. He film vang hian Oscar ah nomination hmasa ber a hmu hial bawk.

Biopic chungchang a sawi vang hian Avril hian biopic siam tuma ruahmanna a nei hran rih lo a, kum liam ta December ah erawh 2002 a a single Sk8er Boi chu movie anga siam tuma a ngaihtuah deuh thu a sawilang zuai. ‘Sk8er Boi’ hi Avril hian a hla zinga a duh ber pawl ani bawk a. Tleirawl kum 17 leka upa a nih laia a phuah ani nghe nghe.