Mizo Elite News hi ṭha i tihzawng a nih chuan min lo Follow dawn nia

Avril Lavigne hmangaihna kawng a tluang chho zel

An inkar hmangaihna hi nikum a tang khan a alh chho tha hle tawh a, tun thleng in tluang tak leh tha tak in an la inkawp chho ve zel a ni.

Ningani zan khan zaithiam Avril Lavigne leh a bialpa Mod Sun te chu Los Angeles khawpui ah in date in an chhuak a, Public a an inlanna ah hian an inhmangaihna chu midang te hmuh tirin hmui ah “muah” an in pe zeuh bawk.

Zanriah an ei kham hnu a an chhuak lam pawh kum 36 a upa Complicated songstress hian nuisang chungin Paparazzi te a hmachhawn a, a bialpa thar lakah hian a luangliam in a hlim hle a ni tih a hmuh theih.

Mod hi a hming tak Derek Ryan Smith a ni a, Avril nen hian Music a an thawhdun atanga intawng an ni. Machine Gun Kelly kaltlang a inhmelhriat ni a sawi an ni bawk.

A hma in Mod hi Bella Thorne nen an lo inkawp tawh a, Avril hi a billionaire boyfriend Phillip Sarofim nen November 2019 khan an inthen fel.

Avril Lavigne hi pasal zawn kawng ah a tluang lo ru hle a, Canadian and Sum 41 musician Deryck Whibley nen kum 4 an innei hman. Nickelback frontman, Chad Kroeger nen kum 2 an inneih hnu ah 2015 khan an inthen bawk.