Mizo Elite News hi ṭha i tihzawng a nih chuan min lo Follow dawn nia

Autorickshaw Driver Chuan A Passenger In A Theihnghilh Rangkachak Tam Tham Tak A Pe Kir Leh

Rinawmna hi thil pawimawh tak mai a ni a, kan rinawm leh rinawm lohna hian midang te min lo ngaihdan leh hmuh dan tur a hril thui viau bawk.

Times Of India in a tarlan Autorickshaw Driver chanchin hi hriat a nuam khawp mai. Tamil Nadu’s Chennai a Chromepet a mi pa pakhat Paul Bright chuan a fanu inneih zawhah auto in a haw chu tlereuh rangkachak tam tham zet Rs 20 lakh man hu chu theihnghilh in a kalsan.

Inneihna hi Chromepet a hall ah hman a ni a, Paul Bright hi auto a a hawn na ah hian Phone hmangin a buai em em a hei vang hian a rangkachak a ken pawh hre chang lovin fair a pek hnu chuan auto ah hian a theihnghilh zui ta a ni.

Bright hian a rangkachak theihngilh a hriatchhuah meuh chuan tihngaihna vak a hre lo a, a chuanna auto registration number a hriat loh vangin Police lam a pun ta ringawt. Rangkachak te hi a hmuh leh pawh a inbeisei tawh loh laiin a chuanna Auto khalhtu hi a rinawm em avangin Bright hian a bo atanga darkar khat hnu ah engmah bo thlau awm lovin a rangkachak te hi a hmu let leh vek.

Autorickshaw driver, Saravana Kumar hian a passenger in rangkachak tam tham tak a theihnghilh a ni tih a hmuh chuan a awm a nuam bik lo a, Paul Bright biak pawhna tur phone number a hriat mai loh vangin Police ah rangkachak te hi a dah ta ringawt a, Bright hian Police te hnen atang in a la kir leh ta a ni.

Chromepet police hnena complaint a theh luh hian Camera Footage hmangin a chuanna Auto hi an chhuichhuak a, Auto hi driver Kumar unaunu hmingin a in register. Mahse Police te chet chhuah hma in Kumar hian rangkachak te hi Station ah a lo hlan fel der tawh.

Police pakhat in a sawidan chuan Paul an a tlereuh rangkachak bag bo a hmuh let leh chuan a mittui a tla hial tih a sawi a,Police Station ah Kumar hi a rinawm em avangin parpar an lo hlan a, Kumar chuan “rangkachak bag ka hmuh phat khan keimah ka chi ai a, rinawmna hi ka nunpui tlat vangin hei hian min pui hle. Ka passengers te zingah an chuanna man tur aia tam ka laksak ngai lo a, ka duh bawk hek lo” tiin a lo sawi a ni.