Mizo Elite News hi ṭha i tihzawng a nih chuan min lo Follow dawn nia

Australian Tennis Athlete Hmeichhe Pakhatin A Career Chhunzawmna Turin A Saruak Thlalak A Zuar

Australian tennis athlete hmeichhia kum la naupang tak mai chu a awmdan leh chetdan mak tak vangin Social Media ah mipui (netizen) tam tak ten an sawi zui phah.

Angelina Graovac (kum 19) hian puitling site pakhat OnlyFans Platform kaltlangin a saruak thlalak a hralh/zuar thin tih hriat a ni. Hetia a inzawrh chhan ber chu engdang vang nilovin a Career chhunzawm a fund atan a ti a, site atang hian a inchhawmdawl theihna tur pawisa hmuh a inbeisei vang a ni.

Daily Star te report danin Angelina Graovac hian 2018 atangin Tennis khawvel ah hian a zuang lut a, a kawng zawh chhunzawm zel tur hian sum lamah harsatna tawk in fund atan a saruak thlalak te hi a zuar a ngaih phah.

Instagram ah 16,400 chuang lai zui tu a nei bawk. Angelina hian a thil tih avang hian selna tam tak pawh a dawng tih sawiin Social Media kaltlang vekin a chhanglet a, mahse a thil tum ah hian diriamna a tawrh te hi indal tir a tum lo hle.

Angelina hi World Tennis Rankings ah 1,171 na ah a awm mek a,singles games 37 a khelh tawhah vawi 9 hnehna a chang tawh.

Angelina bakah hian midang pawh OnlyFans kaltlang hian an tum ram te hlenchhuah nan an inzuar fo a,chung zingah Renee Gracie leh former world No 17 Bernard Tomic te pawh an tel nuk.

OnlyFans hi subscription service a ni a content creators ten an content subcribe tu user te atang pawisa an hlawhchhuak thin a ni.