Mizo Elite News hi ṭha i tihzawng a nih chuan min lo Follow dawn nia

Aung San Suu Kyi Chu Sipai Ten An Hreng Mek, Myanmar Dinhmun Derthawng

Myanmar chu sipai thuneihna hnuai ah an kun leh lo ang tih pawh a sawi theih leh ta loh. civilian government leh military te inkarah tension awm in, hei hi a zualkai zel anih chuan a ngaihtuahawm hle ang.

Myanmar’s governing National League for Democracy (NLD) party hruaitu Aung San Suu Kyi chu sipai lam in man in tunah hian hren mek a ni tih NLD party lam ten an sawi. Aung San Suu Kyi mai bakah hian President Win Myint leh hruaitu dang eng emaw zat te an man tel bawk a ni.

Democracy sorkar leh sipai te inkarah hian sawi neuh neuh a awmna hi November thla a inthlanna (Election) atang daih tawh khan sawi a awm tawh a, NLD ten government form turin chiang taka hnehna changin an tling. Mahsela sipai lamin vote ah dik hlel a awm tih in an tang ve thung.

Myanmar hi Burma tia hriat a ni thin, 2011 thleng kha chu Military awpna hnuai ah a awm a, Ms Suu Kyi pawh kum tam house arrest in alo awm tawh nghe nghe. Myanmar Parliament thutkhawm hi tum dan chuan Thawhtanni hian neih tur a ni. Mahse eptu lam sipai te hian dodal in an hreng ta hmiah hmiah.

Sipai te chu Naypyitaw leh khawpui ber Yangon te an hualbet hneh hle tawh a, hmun thenkhat ah Mobile internet data connections leh phone services te thleng hmantheih lohin a khaih lak. state broadcaster MRTV te pawh che hleithei lovin technical ah buaina an nei bawk.

Spokesman Myo Nyunt chuan an mite hmanhmawh leh fimkhur lo taka che chhuak lo turin a duh a, dan anga chet chhuah zawk a duh tih a sawi a ni. Ms Suu Kyi hi kum 15 dawn 1989 leh 2010 inkar khan hren in a awm a, amah hi Myanmar’s independence hero, General Aung San fanu niin 1991 khan Nobel Peace Prize hlan a lo ni tawh a ni.