Myanmar ram boruak chu a tang chho at at viau a, sipai ten thuneihna an lak hnu ah mipui ten duh lovin kawng an la zawh chho mup mup. Dodal tu pawl mipui te leh sipai sawrkar te inkarah pawh inghirnghona a nasa em em,a la buai chho dawn chauh hmel bawk.
February 1 khan civilian leader Aung San Suu Kyi chu sipai pawl in an man. November thla a general election atang khan he thil hi alo in mung daih tawh. Election ah khan thil felhlel tam tak a awm tiin an puh. Pi Suu Kyi lakah dan lo ang a inbiak pawhna walkie talkies a kawl vangin import and export law hmangin thubuai hi an siam sak ta a ni.
Thawhlehni khan Pi Suu Kyi lakah hian Case thar siam leh a ni a,Case thar an awrh tir hi disaster management law Section 25 a ni. Hei hi Covid restriction bawhchhiatna niin an sawi a, kum 3 thleng tan theihna a ni bawk.
Suu Ky lawyer chuan Pi Suu Ky hi man a nih atang vawikhat mah ala hmu lo tih thutharlakhawmtu te a hrilh a,Military spokesman Zaw Min Tun erawhin Suu Kyi leh Win Myint te chu hmun him ah an awm a, an hriselna a tha tih a sawi thung. March 1 khian video conference in trial hi neih leh tura tih a ni.
