Mizo Elite News hi ṭha i tihzawng a nih chuan min lo Follow dawn nia

August thla tawp ah Blackpink leh Selena Gomez kan hmu dawn

Mahni tawka thawm nei na leh huhang ngah ber ber an ni a, fans tam tak in an inrinsiak luai luai chu a tak in a thleng dawn ta ngei e.

Blackpink te hian hla thar an tihchhuah tur thu an puan khan Featuring tur an neih dawn thu an tarlang tel a, an collaborate pui tur hming hi an puangzar duh lawk lo. Fans ten Ariana Grande leh Selena Gomez te an buk tawn nasa a, Selena Gomez chu buk rit zawk ah a ṭang.

Blackpink Agency, YG Entertainment chuan Selena Gomez an thawhdunpui ngei thu hi Official takin an puangzar a, Selena ngei pawh in a Social Media ah Blackpink te nena an hla thar tur chungchang hi a nemnghet a amah pawh a phur tawh hle.

YG te chuan Selena Gomez chungah hian an lawmzia an tilang a, hun rei tak aṭanga thawhdun an tumna chu a takin an hmu tih sawiin fans te duhthusam a nih ngei pawh an beisei.

Hla thar tur hi a hla hming puanchhuah a la nilo a, August 28 ah tihchhuah ni dawn in worldwide ah zanlai dar 12:00AM EST leh 1 PM KST ah release a ni ang.

Blackpink hi Europe khawmualpui ah pawh an tlana hle a tunhnai a an Music Video thar phei chu rinphak bak in a hlawhtling, record an siam nual. Selena pawh hi a duai chuang lo 2017 a report in a tarlan danin khawvel pumah 7 million albums leh 22 million singles a hralhchhuak tawh a ni.

Koreaboo