Mizo Elite News hi ṭha i tihzawng a nih chuan min lo Follow dawn nia

ATM Rawk Tuma Talbuai Zui Ta Chu Chhanchhuah A Nih Hnuin An Man Nghal Hmak

ATM rawk tum hi thil thar a ni hran lo a hmun hrang hrang ah a thleng fo tawh. Mahse Tamil Nadu erawh a thil thleng hi chu huat a hlawh ai mahin a che nawi lutuk hian nuih a ti za zawk tlat.

Namakkal district a Aniyapuram ah chuan mipa pakhat in ATM rawk tum ve ringawt in a talbuai zui phah ta hrep a. Hepa hi M Upendra Roy tia koh niin Ningani chawhma khan ATM rawk hi a lo tum a ni.

A tirah chuan hlawhtling tur leh che fuh ve viau ah a in ngai a, mahse ATM Machine leh bang inkar ah chuan chhuak thei lovin a tang ta tlat. Hawn tum in Machine chu lung hmang ten a lo chhu chiam a, a thawm ri hi khua mite chuan an hriat veleh thuneitu te hnen lam ah an thlen nghal.

Police te chuan ATM a chhuak thei lo a Roy tang tlat chu an chhanchhuak a, chhanchhuah a nih rual hian Police ten an man zui nghal chat bawk. AMT rawk hi a tum reng vang a nilo a, zu a ruih em vanga a kai phurin a che chhuak ve ringawt niin an sawi.

Tum lawk pawh ni hran lo mahse rawk a tum hrim hrim chu thil sual a ni, judicial custody a an hren hnu in Namakkal sub-jail ah an dah. Rukruk zet zawng a chem kal lohna lam tak a ni chiang khawp mai.