Mizo Elite News hi ṭha i tihzawng a nih chuan min lo Follow dawn nia

Asthma Natna Vei Oxygen Hman Ngai Reng Ve Tho Chuan Covid Veite Tan Oxygen A Ngaihtuahsak

India chu a ni tel in Covid19 in a tuam na chho tial tial a, nitin maiin thihpui tam tak sawi tur an awm. Ram dang te atang India ram tan in ralrinna dar khawngin tanpui turin an auchhuak chuah chuah.

Second Wave leng mek hi a hma aiin a hlauhawm zawk vangin mitin an fimkhur tlang a, amaherawh chu hetih lai hian mi thenkhat Samari mitha te chu midang tan tanpui turin an penchhuak.

Manzoor Ahmad hi Kashmir’s Budgam district a awm a ni a, natna benvawn tak asthma vei mek a ni. Kum 3 chhung teh meuh chu Oxygen hman ngai rengin hringnun a lo hmang tawh.

Mahsela heti chung hian a hma a sial lo a, midang te tan luanchhuah a hreh lo. Oxygen hman ngai reng a hun a hman lai hian Covid19 vei mek te tan Oxygen deliver in a sem kual thin a ni.

“Hetia midang te tanpui thei tu ka ni thei hi nuam ka ti a, ka hlim a ni. Asthma vei ka ni a, Patient ten Oxygen an mamawh zia hi ka hriatthiam pui hle. Ka tih theih chhun tlem te hi an tan tih ka duh a ni” tiin a sawi.

Manzoor chuan Pandemic lai hian in ah pawh a mawng a hun that hman loh thu a sawi a,a chhungkua te enkawl nan sum thawhchhuah a ngai. A damdawi man a sang hle a,thla tin enkawlna atan hian Rs 7,000 a ngai ziah a ni.