Assam leh Mizoram te ramri buaina chungchang ah Mizo mipuite kan thawh ho na leh kan tan tlan zia Social Media platform kaltlang in a rawn langchhuak.
July 26 Thawhtan tlai a Assam lamin Mizoram chhung luta Mizoram Police te duty post an rawn hnehchhuhna leh Mizo te tiang leh teargas hmanga an beih hnu ah Assam lam mi 6 thihna avang a Social Media Platform lar ber pawl Twitter a Assam CM ber Himanta Biswa Sarma thu tweet chu mizoram mipui, a bikin mizo thalai rual te chuan chawkbuaiin, mak an tih rawk khawp turin an che chhuak.
Twitter hi Social Media ah chuan lun ber pawl a nia, India ram ah pawh hmang tu mi eng emaw zat kan awm a ni. Twitter ah chuan Trending hi thil pawimawh tak a ni bawk.
Nilaini chawhnu khan #ShameOnAssam tih trending chuan Twitter ah No.5 na a rawn hauh pha dawr a, Assam mipuite ngei mak tih pawh a hlawh hle. Trending a No.5 a hauh hian Tweet hi 98.4K zet a awm a ni.
Twitter hmang tu vikrantkumar an trending hashtag #ShameonAssam hi social media analytics leh monitoring platform Talkwalkers atang a landan a rawn tarlan ah chuan tweet zinga 28K chu India ram atang a nih laiin 43.3K hi USA atang a ni.
Data atang a a landan in hashtag potential reach hi maktaduai 2.6 zet a ni hem bawk. India ram mai bak ah Foreign atang hashtag hi a awm vangin Assam hruai tu te ngei pawh a tibuai hle a, tu emaw an inrawlh ngei an rin thu an sawi ta hial.
Mizoram ah hian a bikin K-Pop ngaisangtu tam zawk te hian Twitter hi an khawih nasa a, an mi ngaihsan ten Social Media platform dang hmang lova Twitter a thu leh hla an puanchhuah tam zawk thin vangin Account an nei deuh fur a ni. Hetia Trending a rawn san hluai tak ah chuan Assam beih nana khawl leh ram dang puihna hmang ang in min chhuah hial a nih chu.
Mizo mipuite kan duai loh zia a rawn langchiang khawp mai.