Kar liam ta mai khan Doraville, Georgia ah Asian hmeichhe pakhat a chenna in lam pana a haw chu kahhlum niin, a hmun ah nunna a chan nghal tih hriat a ni.
He hmeichhia hi Carmen Caiyi Lee tia koh Malaysian a mi a ni a,kum 25 a upa niin, Doraville police chuan kawngsir a a Car ah a silai kah vanga thiin a ruang hi an hmu a ni.
Carmen Caiyi Lee hi a piancham thlen hma lawk ah vanduaina hi a tawk a,Atlanta a inkahna a nunna chan thar ber ah a tang.
Authorities te chuan a chhungte hnen ah Carmen Caiyi Lee chu vanduai zingah a tang a ni tih an hrilh a, hmun diklo leh hun diklo ah a awm fuh palh hlauh a ni an ti. Thil thleng hi chhui zui nghal a ni bawk.
Carmen hi unau pathum zinga upa ber a ni a,2018 khan University of Georgia atang a graduat a financial portfolio analyst in hna a thawk a ni.
A unaupa Alvin Lee chuan a unaunu chu inngaitlawm, nu leh pa hmangaih thiam tak mi a ni a, mi hlawhtling tak nia fanu rintlak nih tum thin a nih thu a sawi.