Mizo Elite News hi ṭha i tihzawng a nih chuan min lo Follow dawn nia

Arnold Schwarzenegger A Che Chhuak

Kum 72 a upa Actor Arnold Schwarzenegger chuan tunlai hri leng mek Coronavirus do a ṭanpuina turin Frontline Responders Fund hnen ah a sum aṭang cheng maktaduaikhat $1 Million a pek thu a sawi.

California Governor hial lo ni tawh Arnold Schwarzenegger hian sum a thehchhuah thu hi Ningani zing khan a Instagram kaltlangin a puangzar a, a fans te leh amah zui tu te hnen ah a thei a piang ten a hnung zuia Donation hi hlan ve turin ngenna a siam nghal bawk.

Arnold chuan chet chhuah ngei a ṭul hle tawh a ti a, hei hi Hospital a damlo te enkawla an nunna thap tu ral hmatawng Doctor leh Nurse te ṭanpui ve theihna kawng a nih thu a sawi.

He fund hi organization pakhat Flexport in a din a ni a, heta an sum hmuh te hi khawvel hmun hrang hrang Hospital a he hri bei hnen ah masks, gowns, gloves leh an mamawh ṭul ang te supply na atan an hmang dawn a ni.

DM