Mizo Elite News hi ṭha i tihzawng a nih chuan min lo Follow dawn nia

AR Rahmana’n Esther Hnamte Zai A Fak

Leitlangpui hmeichhe naupang zaithiam zet Esther Hnamte (kum 4) video “Vande Mataram” chuan India ram hmun hrang hrang ah thlirtu a ngah chho hle tawh a, National News hrang hrang a luah hneh hle.

He a video hian a hla sa tu dik tak Oscar-winning music composer, AR Rahman beng hial thleng tawh in, AR Rahman pawh in a hla Cover tu mizo hmeichhe naupang duhawm tak Esther-i hi thiam a ti hle tih a tilang.

A.R Rahman Tweeted

AR Rahman chuan a Twitter kaltlangin Esther Hnamte zaina video hi a link tel ngat in a rawn dahchhuak a, “When you are showered with cuteness and love 😊🌹Esther (4 years) ” tiin Caption ah a rawn ziak.

Heti khawp a Mizo te India ram a min ti hmingṭha tu Esther Hnamte hi a va chhuanawm tak em. Amah mai bakah enkawl a kaihruaitu a nu leh pa te an fakawm bawk e. Comment na a lo thlirtu te sawi ang deuh in engtik ni ah emaw Esther-i leh AR Rahman te hi Stage pakhat ah kan la hmu dun lo ang tih pawh sawi theih a ni ta lo.

A Cover Video hian tun thlengin 3.37 lakh chuang zet thlir a hlawh tawh a,he post i chhiar lai mek pawh hian View hi ala pung zel bawk a ni.