Mizo Elite News hi ṭha i tihzawng a nih chuan min lo Follow dawn nia

Angelina Jolie leh a fanu Zahara te NYC ah an nalh dun hle

A pasal hlui Brad Pitt nen an fate enkawl chungchang buai tak kar ah pawh Jolie chu a la hlim thei reng mai. A fate a hmangaih zia hmuh hi chuan Pitt lak a alo hauh viau thin pawh hi a demawm bik lo.

Kum 46 a upa Actress, Angelina Jolie chu a fanu Zahara hruaiin New York khawpui ah hmuh an nia, an nufa chetla lai hi thlir a nuam leh khawp mai.

Madison Avenue a Gabriela Hearst’s store ah Jolie te nufa hi an bazar a, Bag lian tak ak chungin dawr an chhuahsan a, bagel cart ah an chawl khawmuang bawk.

Zahara hi kum 18 a ni tawh a, nula pangngai tak a ni ve tep tawh a ni. Tunhnai khan a vunrawng vanga racial bias ah surgery nei ang a sawi thawm a awm.

Fa lak chawinun kawng ah Pitt leh Jolie te hi hriat an hlawh hle a, an inneih chhungin fa lak an nei nual. Zahara pawh hi adopt zinga mi a ni. Nupa inhmeh tiin miten an sawi laiin an inkar neuh neuh chu a puakdarh thut a, 2016 khan Pitt leh Jolie te hian an inkar titawp in an inthen.