Mizo Elite News hi ṭha i tihzawng a nih chuan min lo Follow dawn nia

Angelina Jolie In Coronavirus Vanga Naupang Ei Tur Tlachham Te Tan Cheng Maktaduai 1 A Pe Dawn Tih Puang

Charity lam a theihtawp chhuah ṭhin Brad Pitt nupui hlui Angelina Jolie chuan tuna khawvelin Coronavirus vanga buaina a tawh mek a naupang eitur neilo leh rilṭam tak tak ten eitur an hmuh theihna turin a sum cheng maktaduai 1 a pek tur thu a puang.

Angelina Jolie hian “Naupang Billion chuang khawvel pum ah Coronavirus vangin School kal thei lo in an awm a, naupang tam zawk te chu School hunchhunga nutrition an dawn a inghat te an ni hlawm. America a naupang maktaduai 22 dawn te chu food support rinchhan te an ni” tiin a sawi.

Heng naupang te puihna tur hian No Kid Hungry organisation kaltlang hian Jolie hian sum hi a hlan ang.

Covid19 vanga harsatna hrang hrang tawhna ah hian milar tam tak an che chhuak tawh a, Kylie Jenner chuan LA hospital ah cheng maktaduaikhat a thawh a, Rihanna’s Clara Lionel Foundation chuan he Virus atan hian maktaduai 5 hlan in Blake Lively leh Ryan Reynolds te chuan Feeding America leh Food Banks Canada ah cheng maktaduai 1 an thawh. An ni bak ah hian midang tam tak in ṭanpuina hi an thehchhuah a ni.