Mizo Elite News hi ṭha i tihzawng a nih chuan min lo Follow dawn nia

Angelina Jolie in a pasal hlui Brad Pitt ngaihdam a tum lo hul hual

Hollywood Couple duhawm ber tia an sawi thin Angelina leh Brad Pitt te inthenna chuan an inkar ah inthian that lam aiin boruak chhe zawk a hring chho zel.

An fate 6 enkawl dan tur chungchang a tunhnai a Courtroom an inbeihna ah khan Private judge John Ouderkirk chuan thu lai tak siamin, Jolie leh Pitt te hi an fate chungah thuneihna inzat ve ve nei turin a lo ti a ni.

Hei vang hian Jolie hi a lungnilo hle tih sawi thawm a awm a, Report rintlak tak mai chuan Jolie hian he thil ah hian a pasal hlui Pitt hi a ngaidam thei tawh lo ang an ti hial.

Hman atang tawh in Jolie hian a fate hi a hauh na hle thin in thawm a lo awm daih tawh a. Pitt hian a fate zawng zawng chunga hetia thuneihna neih a tum hi a lo duh der bik si lo, an buaina chingfel turin Court pan a ngaih phah ta reng. Jolie hian custody thutlukna siam ah hian appeal that leh a tum tih Media ten an puang nghe nghe.

An fate hi Maddox, 19, Pax, 17, Zahara, 16, Shiloh, 14, leh phir Vivienne leh Knox, 12 te an nia. Mahse Maddox erawh kum 19 a nih tawh vangin kum tlingah chhiarin custody agreement ah a tel dawn lo.

Brad leh Angelina te hi kum 12 chhung kha chu khawthlang Couple inhmeh leh hmuhnawm tia sawi huai huai Hollywood’s golden couples zinga mi kha an ni ve hman. An nupa hian Brangelina tia koh thin an ni hialllll. An hunlai ngaihtuah in an nupa inkar tawp dan erawh a lawmawm lem lo. Brad hian Jolie a neih hma hian A-list actress Jennifer Aniston nen an innei tawh bawk. Jolie nen hian Film an chandun atang intawng an ni.