Mizo Elite News hi ṭha i tihzawng a nih chuan min lo Follow dawn nia

Angelina Jolie Chuan Brad Pitt Nen An Inneih Laia A Tihnat Thu A Sawichhuak

Actress, Angelina Jolie chuan The Guardian hnen ah a pasal hlui Brad Pitt nen an inneih lai khan Pitt hian natna a thlensak thu leh an nupa inkar chu nuam lem lo tak a nih thu a sawichhuak meuh mai.

Angelina Jolie chuan a pasal Brad Pitt an a tihnat na ber nia a sawi chu Harvey Weinstein nen thawkdun tura thutlukna a siam kha a ni. Harvey Weinstein hian a hma in Jolie hi khawihchhiat alo tum niin Jolie chuan a puangchhuak.

“Brad an khatiang thil liantham a kaltlangpui thei mai kha ka tan chuan a harsa tak zet a ni” tiin Jolie chuan a hrilh. Angelina chuan kum 21 a nih laiin Weinstein nen Playing By Heart filming an neih ah a chungah mawilo taka chet a tum a, mahsela vanneihthlak takin a talchhuak thei hlauh a ti.

Pitt leh Weinstein te hi film pahnih Inglourious Basterds leh Killing Them Softly ah te an thawkdun leh. Weinstein’s assistant erawh chuan Jolie lak atang puhna an dawn ah hian a pha nasa hle. “Jolie hian dawt chiang tak a sawi a ni. Heng tiang thil engmah a thleng lo hrim hrim a clickbait publicity vel mai mai a ni” tiin thiamthu an sawi.

Jolie leh Pitt te inkar hi nupa an nih lai atang tawh rengin thil a in mung nasa hle tawh. Kum 10 chhung zet an awm dun a, 2014 atang 2016 thleng an inkawl hman. 2016 ah Jolie hian Brad Pitt thenna turin lehkha a thehlut. An nupa inkar chungchang hi tun thleng in sawi a la bang thei lo a, neuh neuh a la awm reng a ni.