Mizo Elite News hi ṭha i tihzawng a nih chuan min lo Follow dawn nia

Angelina Jolie Chu Film Festival Ah Sawizui A Hlawh Leh Nasa

Chuai thei lo Angelina Jolie chu Pathianni liam ta khan Rome Film Festival ah a Movie thar “The Eternals” Premiere na ah a inlan a, Atelier Versace gown mawi tak nen Red Carpet a zawh a ni.

He a Film thar khuh hawnna ah hian a thuamhnaw nalh tak te chuan mit la hle mahse chu ai maha mit la tu zawk thil dang a awm tlat. A hair extensions felhlel leh mam fahran lo tak avang chuan sawi a hlawh leh phah.

Social Media lam ah mi tam takin Jolie hair extensions chungchang hi chaw tui berah an nei a, a thenin a pasal hlui Brad Pitt nupui then tak Jennifer Aniston nen te sawizawm tum tal an lo awm ve bawk.

Mi pakhat chuan “hairdresser chu ka ni miah lo mahse tuna Angelina Jolie hair extensions hi chu a dik lo let tawp a ni. A langsar fahran lutuk mah mah” tiin a sawi. “Vanderpump Rules” alum Stassi Schroeder ngei pawh Jolie chungchang ah hian a rawn tawng ve hial a ni.

Red Carpet ah hian “Maleficent” actress hian a fate a hruai tel ve nghe nghe bawk. Milar an nih avang in ho te anga ngaih pawh hi a langsar hma em em thin tawh.