Mizo Elite News hi ṭha i tihzawng a nih chuan min lo Follow dawn nia

Angel Ruang Phum Fel Tawh Chu Security Force Ten An Phawrhchhuak Leh

Mitthi tawh lakah hian sipai te hian eng thil chiah nge fiah an duh tih hi hriatchian dawt theih la nilo mahse an hmingchhiatna khuh bo tum a che angin a ngaih theih.

Nilaini liam ta a Mandalay kawngzawhna a, a ram tana a nun hlan tu hmeichhia kum 19 lek sipai in an kahhlum tak Angel/ Kyal Sin chu a vuina hun hman a, a ruang phum fel a nih atang ni 1 a liam awrh tih in Zirtawpni chawhnu her lam khan Sipai ten a ruang hi an phawrhchhuak leh tih hriat a ni.

Kyal Sin hi a lu ah tak Sipai te hian kap in a boral nia tarlan a nia, mahsela hemi ah hian Sipai te chu an pha ve thung. Angel thihna a an mualpho na hi thup mawi an tum hle.

Chinese thisen kai a nih vangin Angel ruang hi Aye Yeik Nyein Cemetery a Chinese section phumna ah a ruang hi zalh ve a ni. Amaherawh chu Zirtawp tlai khan sipai te hi truck nen Angel phumna lam hi an pan lai an hmu. An mahni tih loh chu thlan a kal hi an khap zui bawk.

Myanmar News hrang hrang ten an tarlan dan in Sipai te hian Angel kahhlumna hi Security Force te hman ngei a nih leh nih loh an endik dawn a, hei vang hian ruang phum tawh hi an phawrh leh a ni an ti.

Hei erawh a chiang, Sipai te hian an kahna vanga thi lo ni ngei pawh nise an silai hmanrua hmanga thi a ni lo tiin tangfung tha tak an nei lui leh tho ang.