Mizo Elite News hi ṭha i tihzawng a nih chuan min lo Follow dawn nia

Andhra Pradesh Tuilian Ah Mi 17 Ten Nunna An Chan Tawh Mi 100 Chuang Chin Hriatlohin Awm

India ram Andhra Pradesh chuan ruahsur nasa tak vanga tuilian tuarin harsatna an tawk mek a, Indiatv in a tarlan danin tuilian vang hian hriat theih chin ah mi 17 ten an nunna an chan tawh.

Rayalaseema districts 4 ah heng Chittoor, Kadapa, Kurnool leh Anantapur te chu tuar na zual an ni. Mi 100 chuang zet tuilian hian a lenpui na ah an bo tih NDTV chuan a puang a, chhanchhuah leh zawn hna thawh nghal a ni.

National Disaster Relief Force (NDRF) teams 7 te chu tuilian tuar te chhanchhuak leh zawn hna thawk turin tirhchhuah an ni a, heng team te hi police, revenue leh fire department atang an che chhuak. Kawngpui te chu canals ah an chang zo a, lirthei eng emaw zat chu tui hian lenpui in, video hmuh theih atang pawh in a rapthlak hle.

Mandpalle, Akepadu leh Nandaluru villages ah Bus te chu tuilian hian a chim pil a, driver, conductors leh passengers te chu Bus chung atang an sahim nan an lawn. Thenkhat chu tualchhung miten an chhanchhuah bawk a ni. IAF team ten Mi-17 helicopter in JCB atang mi 10 te chhanchhuah hna an thawk.

IndiaToday chuan Rayalaseema districts ah chhiatna thleng ah hian chenna in 1,544 a tichhia a, agricultural fields 3.4 hectare chu tuilian hian a chim hnan. Ranvulh (cattle animals) pawh za chuang an thi a, an sum hloh zat hi Rs 8,206.57 lakh vel anga chhut a ni.

Inrinni ah India Meteorological Department (IMD) chuan Karnataka districts 18 ah yellow alert a tichhuak a, Bengaluru Urban, Rural districts, Tumakuru, Shivamogga, Ramanagar, Kodagu, Hassan, Davangere, Chitradurga, Chikkamagaluru, Ballari, Koppal, Haveri, Gadag, Dharwad, Uttara Kannada, Dakshina Kannada leh Udupi districts an tel. IMD hian south interior leh coastal Karnataka districts ten November 23 thleng khaihlak lo a ruah dawng turin a puang bawk.