Mizo Elite News hi ṭha i tihzawng a nih chuan min lo Follow dawn nia

An Video Viral Palh Vangin Police Pathum Te Chu An Hna Atangin Suspend An Ni

Social Media hi tunah chuan a chak tawh em em a, kawng tam tak a a that em em lai hian leh lam ah that lohna tam tak a keng tel bawk.

Kutch district of Gujarat a police constables 3 te chu an video viral hluai vangin an hna atangin suspend an nih phah tih hriat ani. Heng Police te hian an uniform ha chungin Car chhungah music chhuaha zai in an lo lam vel a, mask an vuah loh bakah Seatbelts pawh an hreng lo bawk. Video a darh hnuah nasa takin an hmingchhia ani.

Kutch-East Superintendent of Police, Mayur Patil chuan heng police constables te hian traffic rules leh Covid norms an bawhchhiat thu a sawi a, an khawsak dan chu mawilo tak a nih thu leh Police hna zahawm tak chu an ti hmingchhia a ti. An hna atangin suspend an tawh zui phah.

Constables pathum te hi Jagdish Solanki, Haresh Chaudhari leh Raja Hiragar te niin Gandhidham A division police station a mi an ni a, traffic rules an bawhchiat chu thuhran Mask an hreng lo kher bawk hian dem an hlawh zual em em ani.

Thenkhat chuan an video viral vang maia an hna atanga suspend kher ai chuan fine tir zawk mai se tia an thlavang lo hauh pawl an awm a, mahsela traffic rules an zawm miau loh vangin suspend hi an phu tawk ve reng tia thutlukna dik tak siam a nih thu midang in an sawi ve thung.