Mizo Elite News hi ṭha i tihzawng a nih chuan min lo Follow dawn nia

An Unau In Kawngsir Ah Chawhmeh An Zuar Ṭhin

He naupang unau pahnih te hi Bethlehem Vengthlang naupang te niin, ti hian Lammual bul a over bridge bul lawk kawng sirah an unau in chawhmeh an zuar thin a ni.

Covid-19 avangin nitin sikul an la kal thei lova, tichuan an sikul kal loh ni apiangin ni inkar chhawkin chawhmeh zuarin an unau chuan an thu ve thin a ni.

Chawhmeh hi bazar ami an la chhawng/khar chhawng thin a. Chhun ni sensa leh ruahpui karah an chhungkaw tan theihtawp chhuahin tlai dar 3 thleng te an thu.

An haw dawnah an hnu hma bawlhhlawh te ti faiin felfai takin an kalsan thin a ni.

An unau hian ei leh in tur an neih ang angte in semin an in ngaihsak tawn em em a, an in hmangaihna hi a ropuiin an entawntlak tak zet a ni.

An unau hi paruk lai an ni a, an pa hi daily in mi hnuaiah a inhlawh thin a, an nu erawh in nghakin a fate a enkawl thin.

Tawng mawilo nilo sela, anni hi chhungkaw khawsak harsa ve tak mai an ni a, tanpui duh leh biak pawh duh tan Zo Inspiration te kaltlangin an biak pawh theih reng e.