Mizo Elite News hi ṭha i tihzawng a nih chuan min lo Follow dawn nia

An Ui Hming A Sak Chungchangah An Thenawmpa Lungawi Lovin Mei In A Hal

India Today leh NDTV in an rawn tarlan zet chu a mak in a dangdai zawk khawp mai. Thenawm inbeihna tur khawp atan chuan a ho in a tenau deuh mah mah ani.

India ram Gujarat, Bhavnagar district a Palitana town ah Thawhtanni khan hmeichhe pakhat chu an thenawm pa in a ui hming a sak dan chungchang ah lungawi lohna neiin mei hmangin a beihzui phah tih hriat ani.

Neetaben Sarvaiya (35) hian an ui hming atan an thenawm pa Surabhai Bharwad nupui hming ang “Sonu” tiin alo phuah a. Surabhai Bharwad hian Sarvaiya te ui hming a hriat hnu chuan an tum lawk reng vanga phuah lui a ni tiin inhmuhsitna lantirna ni ah a ngai.

A thinrim insum zo ta lo chuan Sarvaiya te chhungkua chu an in ah midang 5 nen an va luhchilh. In ah hian Sarvaiya leh a fapa naupang ber te chu an awm a, a pasal leh a fa 2 te erawh pawn an chhuah lawk hlan ani.

In chhunga an luhkhung hnu hian khawnvartui hmanga thehin mei hmang in an hal zui ta ani. Sarvaiya hi mangang in a au chhuak a an thenawm khawveng dangin lo hria in an in lam an pan. A pasal pawh chu alo thleng ve nghal bawk.

Vanneihthlak takin Sarvaiya hian a nunna a chan lo hlauh. A taksa meiin a tihkan (burn) enkawl in government hospital ah a awm mek bawk. Police te sawidan in thenawm pahnih te hi a hma pawhin watter supply chungchang ah an lo intithiamlo tawh ani.

Surabhai Bharwad leh midang 5 lakah hian FIR thehlut a ni a, tualthah tumna leh mi inchhunga dan lo anga an chet vang ten thubuai an siam sak. Police te hian thil thleng ah hian man erawh an la nei lo.