Mizo Elite News hi ṭha i tihzawng a nih chuan min lo Follow dawn nia

An Thianpa Ruang Vuiliam Mai Tur Kuanga Mi Chu Lachhuakin Bike In An Tlankual Pui

Thihna hi zawng a nunrawng em a ni. Damchhung a inhmu leh tawh ngai lo tura inthlahliamna hun a nih vangin tuar thiam a har thin hle.

Portoviejo, Ecuador’s Manabi province a thil thleng zet hian rilru a ti na in lung a ti chhe hle mai. Thian za rual te chuan an thianpa boral, mitthi kuanga vuiliam mai tawh tura an dah chu la chhuak in a tawp nan Motorbike hmangin an tlanpui tih hriat a ni.

Hetianga an thianpa ruang an tlanpuina chhan chu an uizia entirna a ni a, a tawpna atana a an thlah na hun a ni. Boral hi Erick Cedeno niin kum 21 leka upa a ni a, kar liamta mai khan mitthi vuina a kal chu silaia kahhlum a ni tih an sawi.

Bike ah hian hlang kangin, a khalhtu hnung ah bei a, a hnung berah an thian pakhat chuan a tlak lohna turin alo veng. Ruang tlanpuina ah hian mi eng emaw zat an pungkhawm a. Internet ah an chetdan hi viral in ngaihdan pawh a in ang lo hlawm hle.

Thian za ho te hian an thianpa ruang kuang atang lachhuak a kawngpuia tlanpui hi Cedeno chhungte leh a nu leh pa te phalna thlap a ti an nih thu an sawi a, authorities te chuan an thianpa ruang an thlah dan ah hian tul an ti lo hle thung. Mahse chhiat tawk chhungte berin phalna an pek miau vangin tumah thubuai siam sakin man an awm lo.