Mizo Elite News hi ṭha i tihzawng a nih chuan min lo Follow dawn nia

An Pianhlim A Thenhran Phir Unau Hmeichhia Te Chu Kum 36 Hnuah An Inhmuchhuak

Molly Sinert leh Emily Bushnell te hi March 29, 1985 khan South Korea ah an piang a, phir an ni. Mahsela an pianhlim in thenhran an ni a, American chhungkaw hran ve ve a mi te chuan fa atan an la.

Sinert hi Jewish chhungkua ten Florida ah an adopted a, Bushnell pawh Jewish chhungkua vek in fa atan la in mahse Pennsylvania ah a seilian thung. An pahnih hian phir an ni tih pawh in hrelo in kum tam tak an lo khawsa char char tawh a ni.

Mahsela Bushnell fanu kum 11 a upa Isabel chuan a nu chu falak a ni tih hriat in a nunhlui kimchang hriat duhna a nei lian hle a, chhungte dang khawi ah emaw an neih a ring tlat a ni.

Bushnell hian a tirah chuan DNA test a duh lo. Amaherawhchu a fanu hian amahin Test nei a, Sinert hian lo hmu in an thisen chu a lo in mil chiah. 49.96% DNA zetin a ni si, mahse fanu a la nei bawk silo. A hrethiam lo hle. Mahsela a hnu ah a fanu nilovin a unaunu fanu a ni zawk tih a hreta. An nun chu a inthlak danglam chiang hle a, laina hnai dang reng reng pawh nei a a inngaihloh chu a rukin phir pui a lo nei reng a ni tih a hrechhuak.

Molly Sinert leh Emily Bushnell te hian an thlalak leh chanchin te an in share tawn a, an duh leh ngainat zawng te pawh in ang in, an thlalak ah te chuan zawng fianphel an sawi ang chiah chiah mai an lo ni.

Mak pawh an ti dun hle a, an hlim lutuk vangin an biangah lawmna mittui a luang hial. Bushnell chuan “ka nun a thil lawmawm lo thleng hriatreng tawh tur a ni” tiin mittui nen a sawi a, Sinert pawh in a nun chu thawk leh khata thlak danglam hlawk ni bera a hriat thu a sawi ve bawk.

Thla hmasa khan Bushnell leh a fanu te hi Florida ah Sinert hmu tur hian an kal a, kum 36 zet hnu ah inhmu a inkuah in an piancham hlim takin an hmang dun thei. Hma hun lo awm turah South Korea ah kal dun ngei an tum bawk thu an sawi a ni.