Mizo Elite News hi ṭha i tihzawng a nih chuan min lo Follow dawn nia

An Nu In Cancer Natna Vanga A Boralsan Hnuah An Pa In Covid19 Vanga A Boralsan Leh Tak Vangin Fahrah In An Awm Phah Ta

Heng naupang te hian hripui vangin an pa neihchhun chu an chan phah a, an pa in a boralsan tak avang hian fahrah dinhmun dik tak chu an tawngbaw ve ta a ni.

A fate 5 lai enkawl tu Miguel Plangca hi Philippines a Ozamis City a mi a ni a. Mahsela Kildare, Ireland a Allenwood North ah rei tak khawsa tawh in hripui Coronavirus hian vanduaithlak takin a man ve hlauh.

Hri vang hian ICU ah enkawl a ni. Intersive Care a ni 41 teh meuh hripui hi a sual hnu ah tlin ta lo in kar hmasa khan a boral.

An pa in a boral takah chuan a fate 5 Stephanie, Mikee, Michael, John leh Cheki te chu an fahrah ta a, kum 6 liam ta khan an nu chuan Cancer natna vanga lo boralsan in an pa Miguel hi an neih chhun tak meuh meuh a ni.

A fanu Mikee chuan a pa thlahnan hian Post a siam a. Post a siamah hian an hmangaih zia leh an ngaihzia sawiin an tana a thil lo tih ṭhin zawng zawng ah lawmthu a hrilh bawk.

Naupang te ṭanpui nan hian Local Community lam ten GoFundMe account an hawnsak a £13,000 chuang sum hmuh a ni tawh. Tunah hian an ni (aunt) Fely Moore kiang ah an khawsa mek. Miguel Plangca hi Bird’s Eye factory a packaging line ah kum 20 dawn hna a lo thawk tawh a ni.

DM