Mizo Elite News hi ṭha i tihzawng a nih chuan min lo Follow dawn nia

An Mahni Bei Tu Sipai Te Laka Hnehna An Chan Theih Nan Tawngtaina Nen Hun Hmangin Midangte Tawngtai Pui Ve Turin An Sawm

Nitin mai in Myanmar ah sipai ten civilian te lakah an nunrawnna an la lantir chhunzawm zel a. Sipai te chetna hi en liam mai mai an tum tawh bik lo. Myanmar ram mawi tak thin pawh chi leh chi inbeihna tualzawl ah a chang ta.

The Kachin Independence Army (KIA) te chu pawisawilo tam tak nunna suattu Myanmar Sipai te beilet in ke an penchhuak a, sipai ten mipuite chunga tawrhna nasa tak an thlen zo zai chu en liam an tum bik lo.

Khit Thit Media tarlan dan in nimin March 18 khan Kachin State a Phakan ah Kachin Independence Army (KIA) leh Myanmar Sipai te an inkap a, sipai 20 chuang thi in KIA ten ralthuam eng emaw zat an man bawk thu a puang.

Kachin Independence Army (KIA) te hian Sipaite laka hnehna an chan ngei theih nan tawngtaina nen hun hmang in midang te pawh an mahni tawngtaipui turin an sawm.

Yangoon khawpui mawi tak pawh indo na tual zawl Battle Field ah a chang zo ta a, Democracy sualchhuah ngei tum in an theihna zawng zawng in an bei mek zel. Zalenna hmu tur hian an tuar nasa tawk tawh a, beidawnsan mai thei an ni lo. Kan unaute tan hian i tawngtai zel ang u