Mizo Elite News hi ṭha i tihzawng a nih chuan min lo Follow dawn nia

An Kum Inthlauh Lutuk Vangin Mite Hmuh Ah Infawh An Duh Lo

Hmangaihna chuan kum tam leh tlem a thliar lo a, thinlung lam aṭanga chhuak zawk a ni.

United State a mi Alan, 76, leh a nupui Carrie, 44 te hi an kum inthlauh lutuk vang in mak tih pawh an hlawh a, a ṭhen phei chuan nupa an nih pawh an ring thei lo zawk. Nupa aiin pafa an ang zawk tih hialin an chungchang hi an sawi ṭhin.

An kum inthlauhna hi kum 2/3 mai a nilo. Kum 32 lai an inkarah hian a tla. Kum inthlau viau mahse an inkawp rem em em tho a kum 17 lai chu tluang tak in an lo innei ve tawh.

1998 khan an intawng a. Hetih lai hian Carrie hi Alan client in a thawk a, phone ah inbe pawp reng ṭhin in hmaichhan a inhmu a thil te an ei dun hnu ah chuan an zia a lo in mil ta phian a ni.

An intawn lai hian Carrie hi kum 23 a ni a Alan erawh kum 55 upa a ni tawh. 2003 khan an innei a, a tirah phei chuan Carrie nu hian Alan hi a fanu pasal atan a duh lem lo. Alan hian fanu pahnih neiin a nupui Carrie aiin a fanu te hi an upa zawk nghe nghe.

Alan leh Carrie te hi an chhuahdun na ah mite mit an la ṭhin hle reng a, Europe a tour neia an chhuah ṭum ah phei chuan pafa an nih leh nih loh zawhna tam tak an dawng nasa a ni.

Heng te avang hian Alan leh Carrie te hian vantlanga leh midang kara an chhuahna ah chuan inkuah leh infawp mai bakah kuta inkaih ringawt pawh an duh ngai lo a, a chhan chu midang ten an nupa inkar chungchang diklo taka ngaia negative reaction dawn an hlauh vang a ni. An tan a ṭhat zawk nang hengte hi an ti ngailo hrim hrim.

Tun thlengin nupa inkawp rem tak an la ni zel a, an nupa hian fa erawh an la nei lo thung.

DM