Mizo Elite News hi ṭha i tihzawng a nih chuan min lo Follow dawn nia

An Khaw Kawng Chhe Lutuk Vanga Chief Minister Hnenah Vauna Thu A Thawn Zet Chu

India ram thingtlang hmun tam tak ah hian kawngchhiat lutuk leh electric that loh vangin harsatna tawk mi eng emaw zat an awm a, thuneitu sang zawk te hnen ah zualko na an thlen chung pawh in hlawhtling ni reng la hmu lo an tam hle.

Karnataka state a H Rampura khua a cheng hmeichhia Bindu R D (kum 26) chuan an khaw dinhmun dik tak chu Chief Minister hnen ah mail kaltlang a thawn in, CM meuh hnena vau khanna thu a dah tel zet chuan huaisen nihna a hlawhchhuah tir phah a, a lar zui pui hle a ni.

Bindu R D chuan Chief Minister Basavaraja Bommai hnen ah chuan an khua ah facilities a tha lo hle a, an kawng chu chirh diak nen zawh tlak loh khawpa kawngchhia a nih thu leh bus services a awm bawk silo. An khua in kawng tha an neih hma chu pasal a neih loh tur thu in a lo hrilh a ni.

Davangere district a administration officials te chuan he hmeichhia Bindu R D ngenna khauh tak hi bawh zuiin H Rampura khua an tlawh a, kawng hi a rang thei ang bera siam tura ruahman a nih tak thu news18 chuan a tarlang bawk.

An khua ah Bindu R D chauh hi hmeichhia a Masters course a nia, a hma in an khaw tan hian tawngkam a neih thawm hriat a ni ngailo. Mahsela tun ah zet chuan a ngawi mai mai thei tawh bik lo.

H Rampura village ah hian Primary School chauh a awm a, class 5 thleng bak kal theih a nilo. Zirna sang zawk bel tur chuan School dangah 14 km a hla ah te kal a ngai thin a ti. Amah ngei pawh a zirna vangin Hostel ah hun hman reng a ngaihthu a sawi bawk.

Davangere Deputy Commissioner pawh in H Rampura khua hi a tlawh a, he khua ah hian mi 300 vel an khawsa mek a ni.